Suśvietny bank abviaściŭ, što ŭsie kredyty Biełarusi nie absłuhoŭvajucca praz praterminoŭku
Usie kredyty Mižnarodnaha banka rekanstrukcyi i raźvićcia (MBRR), jakija byli pradastaŭleny Respublicy Biełaruś abo harantavanyja Biełaruśsiu, z 17 kastryčnika pieraviedzieny ŭ status nieabsłuhoŭvanych.
18.10.2022 / 09:33
Pra heta paviedamiła pres-słužba Suśvietnaha banka.
Zhodna z praceduraj finansavaj ustanovy, usie kredyty krainy atrymlivajuć status nieabsłuhoŭvanych, kali pa lubym ź ich płaciož praterminavany bolš čym na šeść miesiacaŭ.
U Biełarusi na 14 kastryčnika suma praterminoŭki pierad MBRR składała 68,43 młn dalaraŭ u ekvivalencie. Asnoŭnaja suma zapazyčanaści pa kredytach MBRR składaje 967 młn dalaraŭ — heta 0,42 pracenta ad ahulnaj sumy niepahašanych pazyk MBRR.
Raniej MBRR prypyniŭ vydaču kredytu Biełarusi. Hrupa Suśvietnaha banka spyniła ŭsie svaje prahramy ŭ Biełarusi, jak i ŭ Rasii, 2 sakavika 2022 hoda paśla ŭvarvańnia Rasii va Ukrainu, u jakim Biełaruś stała pamahatym ahresara. Biełarusi nie było ŭchvalena nivodnaha novaha kredytu z maja 2020 hoda.