U Hrodnie zatrymali advakatku Janinu Jurhilevič z amal 30-hadovym stažam
Heta adbyłosia ŭčora pierad prysudam u «spravie Aŭtuchoviča». Jurhilevič abaraniała adnaho z členaŭ siamji Rezanovič.
18.10.2022 / 08:34
Fihurantu chutka zamianili advakata, paviedamlaje @freebelaruswomen
Advakatku zatrymali supracoŭniki KDB, jakija čakali jaje z busam na rahu turmy. Pryčyna zatrymańnia nieviadomaja.
Nahadajem, što 31 žniŭnia ŭ Hrodnie zatrymali jejnuju dačku advakatku Jułiju Jurhilevič, jakaja pryjechała ŭ Biełaruś z Polščy. Jułija abaraniała mnohich palitviaźniaŭ paśla padziej 2020 hoda. Ciapier jaje vinavaciać pavodle troch ciažkich artykułaŭ.