U Jejsku Krasnadarskaha kraja vajskovy samalot upaŭ na žyłyja damy
Pra heta z fota i videa paviedamlajuć rasijskija ŚMI i telehram-kanały. Havorka idzie pra vajskovy samalot Su-34, piłot ź jakoha paśpieŭ katapultavacca.
17.10.2022 / 18:57
Rasijski samalot Su-34 z bojekamplektam na borcie abrynuŭsia la žyłoha doma 20/1 na Kamunistyčnaj vulicy ŭ Jejsku. Paśla hetaha zaharełasia samalotnaje paliva, ahoń pierakinuŭsia na budynak, a na miescy krušeńnia źniščalnika pačałasia detanacyja bojekamplekta.
Pa źviestkach Minabarony Rasii, Su-34 upaŭ pry nabory vyšyni padčas «navučalnaha palotu». Pryčynaj katastrofy stała zaharańnie adnaho z ruchavikoŭ.
Z aficyjnaha paviedamleńnia Minabarony vynikaje, što lotčyki paśpieli katapultavacca i dałažyć ab tym, što adbyłosia.
Z-za detanacyi bojekamplektu pažarniki nie adrazu zmahli nablizicca da padpalenaha budynka. Zaraz ahniom achoplena kala dźviuch tysiač kvadratnych mietraŭ, paškodžana jak minimum 15 kvater.
Pra achviaraŭ i paciarpiełych pakul infarmacyi niama.