JEABR prahnazuje zapavoleńnie inflacyi ŭ Biełarusi da kanca hoda
U štotydniovym makraahladzie Jeŭrazijski bank raźvićcia kanstatuje zapavoleńnie inflacyi ŭ Biełarusi ŭ vieraśni da 17,4% z uzroŭniu 17,9% u žniŭni.
17.10.2022 / 11:28
Pa acency analitykaŭ banka, strymlivajuć inflacyju ŭnutrany popyt i ŭmacavańnie biełaruskaha rubla da rasijskaha. Hetyja faktary źnizili bazavuju inflacyju da 20% u vieraśni z 20,7% hod da hoda ŭ žniŭni. JEABR adznačaje zapavoleńnie rostu cen na administracyjna rehulavanyja tavary i pasłuhi.
«Prainflacyjny cisk zachoŭvajecca z boku pavyšeńnia vydatkaŭ na praviadzieńnie finansavych tranzakcyj, pastaŭki tavaraŭ i kamplektujučych. Uviedzienaje rehulavańnie cen moža pryvieści da dalejšaha zapavoleńnia inflacyi da kanca 2022 hoda», — havorycca ŭ ahladzie JEABR.
Raniej paviedamlałasia, što MARH ličyć asnoŭnymi pryčynami zamarudžvańnia rostu cen u vieraśni ŭmieranuju dynamiku cen u Rasii, umacavańnie biełaruskaha rubla da košykavalut, adnaŭleńnie cen na syravinnyja tavary na suśvietnych rynkach.