Čynoŭnik raskazaŭ, jakoj čakać reakcyi, kali imparciory parušać pastaŭki tavaraŭ
Načalnik Hałoŭnaha ŭpraŭleńnia Ministerstva antymanapolnaha rehulavańnia i handlu pa Minsku Kirył Słabko raskazaŭ, jak u krainie budzie padtrymlivacca dastatkovy asartymient tavaraŭ na palicach, piša BiełTA.
16.10.2022 / 19:27
Kirył Słabko. Fota: belta.by
Čynoŭnik rastłumačyŭ, što kali dzieści i adbyłosia karotkaterminovaje vymyvańnie niejkich tavaraŭ z palic, to ŭ najbližejšyja dni asartymient budzie papoŭnieny ŭ poŭnym abjomie. Zrabić heta dazvalajuć normy pastanovy ŭrada № 669, jakim pašyranyja paŭnamoctvy abłvykankamaŭ i halinovych dziaržorhanaŭ.
Pradstaŭnik ministerstva dadaŭ: usie handlovyja sietki papiaredžanyja ab tym, što
kali jaki-niebudź pastaŭščyk, imparcior admaŭlajecca ad pastavak, to infarmacyja pra heta pavinna być pradstaŭlena ŭ ministerstva. A MARH maje namier davać pravavuju acenku dziejańniam takich pastaŭščykoŭ, imparcioraŭ. Da ich buduć prymacca «miery reahavańnia» pa ŭsich vyjaŭlenych faktach.
Z ulikam praviedzienaj pracy z roźničnymi sietkami MARH nie bačyć sistemnych vypadkaŭ adsutnaści tavaraŭ na palicach, skazaŭ Słabko. Čynoŭnik sprahnazavaŭ, što ŭ doŭhaterminovaj pierśpiektyvie jakich-niebudź prablem, źviazanych z asartymientam tavaraŭ na palicach, nie budzie.