Iran śledam za bieśpiłotnikami pačnie pastaŭlać Rasii dalnabojnyja rakiety
Śledam za bieśpiłotnymi latajučymi aparatami Iran pahadziŭsia pastaŭlać Rasii rakiety kłasa «ziamla-ziamla». Jak paviedamili krynicy The Washington Post u słužbach biaśpieki ZŠA i sajuznych krain, tak Maskva zmoža papoŭnić straty ŭ bojeprypasach, vydatkavanych padčas vajny va Ukrainie.
16.10.2022 / 17:05
Surazmoŭcy haziety paviedamili, što damoŭlenaść z nahody pastavak rakiet była dasiahnutaja 18 vieraśnia, kali Tehieran nakiravaŭ svaich pradstaŭnikoŭ na pieramovy ŭ Rasiju.
Supracoŭniki zachodniaj raźviedki śćviardžajuć, što Iran rychtuje partyju rakiet Fateh-110 i Zolfaghar — rakiet małoj dalokaści, zdolnych bić pa celach na adlehłaściach 300 i 700 kiłamietraŭ.