MUS zajaviła pra zatrymańni ludziej, «jakija rychtujuć terakty i dyviersii ŭ Biełarusi»
U MUS zajaŭlajuć, što supracoŭniki HUBAZiK zatrymali niekalki čałaviek, jakija nibyta «rychtujuć terakty i dyviersii ŭ Biełarusi». Nibyta jany byli zavierbavanyja BYPOL i pradstaŭnikami Abjadnanaha pierachodnaha kabinieta i atrymlivali zadańni pa zakładcy bombaŭ, instrukcyi ab tym, dzie ŭziać zapalnyja sumiesi ad płana «Pieramoha».
16.10.2022 / 16:47
Pavodle infarmacyi viedamstva, «zatrymanyja dajuć pryznalnyja pakazańni, apieratyŭnaja praca praciahvajecca». Pavodle zajavy namieśnika ministra MUS Hienadzia Kazakieviča, u apošni čas «hety prajekt praduhledžvaje hvałtoŭnaje źviaržeńnie ŭłady» ŭ Biełarusi i ludzi prachodziać navučańnie «na terytoryi Polščy i atrymlivajuć bajavy vopyt na terytoryi Ukrainy».
Detali hetaj spravy nie pryvodziacca, ich abiacajuć ahučyć siońnia viečaram u prahramie «Hałoŭny efir» na telekanale «Biełaruś 1».
Źviartajem uvahu, što śpiecsłužby łukašenkaŭskaha režymu ŭ svajoj dziejnaści nie ahladajucca ni na pravavyja, ni tym bolš na maralnyja normy. Dziela dasiahnieńnia svaich metaŭ jany nikoli nie spynialisia pierad tym, kab prosta fabrykavać patrebnyja im «zmovy». Ludziej za heta sadžali, ale pradstaŭlenyja «dokazy» ich viny zaŭsiody byli vielmi sumnieŭnyja. «Vykryćcio» ž «zmovy» vykarystoŭvałasia dla ŭzmacnieńnia represij.