Čynoŭniku paskardzilisia na zanadta małyja kurynyja tuški. Daručana razabracca
Manipulacyi z kurynym miasam pryviali ŭ Biełarusi da zabaronaŭ i kryminalnych spraŭ. Ale na hetym prablemy nie skončylisia.
16.10.2022 / 08:45
Na telefonnuju liniju da pieršaha namieśnika staršyni Homielskaha abłvykankama Dźmitryja Kozieła dazvaniłasia žycharka mikrarajona Sialmašaŭski Śviatłana Vasiljeŭna.
Dźmitryj Kozieł.
Jana paskardziłasia, što ŭ handlovych abjektach Homiela nielha znajści kurycu, ciažejšuju za 1,6 kiłahrama, piša «Homielskaja praŭda».
Žančyna śćviardžaje, što ŭ normie tuški pavinny važyć ad 1,7 da 2,1 kiło.
Dźmitryj Kozieł uziaŭ pytańnie na svoj kantrol. Chutka hamialčanka atrymaje piśmovy adkaz.
Raniej na naradzie 6 kastryčnika Alaksandr Łukašenka aburyŭsia tym, što ŭ kramach manipulujuć z cenami. «Rasčlanili dochłuju kurycu, upichnuli ŭ polietylenavy pakiet — novy tavar!» — hnieŭna adčytvaŭ jon čynoŭnikaŭ na kamieru.
Paśla hetaha jon padpisaŭ dyrektyvu, jakaja zabaraniaje rost cen, a Ministerstva antymanapolnaha rehulavańnia i handlu pryniało admysłovuju pastanovu, jakoj rehulujucca ceny nie tolki na samu kurycu, ale i na jaje častki. Paralelna ŭrad abmiežavaŭ kramam prodaž častak tuški ptuški, za vyklučeńniem vyrablenych miasapierapracoŭčymi, sielskahaspadarčymi i ptuškahadoŭčymi arhanizacyjami.
Užo zaviedzienyja dziasiatki kryminalnych spraŭ za «nieabasnavanaje» pavyšeńnie cen, u tym liku na ptuškafabrycy «Družba» za prodaž razrezanych kuryc.