ISW: Pryhožyn choča vysłužycca pierad Pucinym, a «Vahnier» — uziać vierch nad Minabarony Rasii
Pryvatnaja vajennaja kampanija «Vahnier» sprabuje zacvierdzić pieravahu nad Ministerstvam abarony Rasii, a zasnavalnik PVK bizneśmien Jaŭhien Pryhožyn choča vysłužycca pierad prezidentam RF Uładzimiram Pucinym i vyłučyć siły «Vahnier» siarod zvyčajnych sił MA.
16.10.2022 / 08:10
Amierykanski Instytut vyvučeńnia vajny ŭ svaim analizie spasyłajecca na videa, apublikavanaje ŭ sacyjalnych sietkach 13 kastryčnika. Na kadrach vajskoŭcy 126-j bryhady bierahavoj achovy Čarnamorskaha fłota ŭ Chiersonskaj vobłaści skardziacca, što jany vajuiuć u hetym rajonie z samaha pačatku vajny bieź pierapynkaŭ i ratacyi vojskaŭ.
Vajskoŭcy śćviardžajuć, što ich cisnuć ukrainskija vojski, i padkreślivajuć, što ŭ ich adzin BTR na 80 čałaviek, što mocna abmiažoŭvaje ich manieŭranaść.
Paśla raspaŭsiudžvańnia videa 14 kastryčnika ŭ telehram-kanale «Vahnier» źjaviłasia paviedamleńnie ab tym, što kiraŭnictva PVK vyrašyła pieradać čatyry pazadarožniki 126-mu bataljonu bierahavoj achovy ŭ padtrymku ich namahańniaŭ pa ŭtrymańni linii frontu ŭ Chiersonskaj vobłaści.
Jak zaznačajecca, pieradača bazavaha abstalavańnia atradu zvyčajnych rasijskich suchaputnych vojskaŭ moža być schavanaj krytykaj vidavočnaj niazdolnaści Minabarony Rasii zabiaśpiečyć pradmietami pieršaj nieabchodnaści svaich ułasnych sałdat.