DPK: Ź lutaha ŭ Biełaruś prybyło kala 60 tysiač ukraincaŭ
Bolš za 59 tysiač hramadzian Ukrainy prybyło ŭ Biełaruś z 24 lutaha 2022 hoda, paviedamiŭ Dziaržaŭny pamiežny kamitet.
14.10.2022 / 17:16
Ukrainskija ŭciekačy. Fota: Viktar Tałočka/Sputnik
«Z 24 lutaha pa 14 kastryčnika ŭ Respubliku Biełaruś z ukrainskaj terytoryi prybyło 59044 hramadzianina Ukrainy: praz ukrainska-biełaruskuju miažu — 15890, tranzitam praz Polšču — 34821, praź Litvu — 7099, praz Łatviju — 1243», — havorycca ŭ paviedamleńni viedamstva.
U DPK taksama adznačyli, što za minuły tydzień u Biełaruś zajechała 1446 hramadzian Ukrainy, «i ŭsie — tranzitam praz krainy ES».
Kolki ŭkraincaŭ zajazdžaje ŭ Biełaruś z boku Rasii, statystyka DPK nie ŭličvaje z-za adsutnaści tam paŭnavartasnaha kantrolu na miažy.