ДПК: З лютага ў Беларусь прыбыло каля 60 тысяч украінцаў
Больш за 59 тысяч грамадзян Украіны прыбыло ў Беларусь з 24 лютага 2022 года, паведаміў Дзяржаўны памежны камітэт.
14.10.2022 / 17:16
Украінскія ўцекачы. Фота: Віктар Талочка/Sputnik
«З 24 лютага па 14 кастрычніка ў Рэспубліку Беларусь з украінскай тэрыторыі прыбыло 59044 грамадзяніна Украіны: праз украінска-беларускую мяжу — 15890, транзітам праз Польшчу — 34821, праз Літву — 7099, праз Латвію — 1243», — гаворыцца ў паведамленні ведамства.
У ДПК таксама адзначылі, што за мінулы тыдзень у Беларусь заехала 1446 грамадзян Украіны, «і ўсе — транзітам праз краіны ЕС».
Колькі ўкраінцаў заязджае ў Беларусь з боку Расіі, статыстыка ДПК не ўлічвае з-за адсутнасці там паўнавартаснага кантролю на мяжы.