Ліквідуюць дабрачынны фонд «Вяртанне»
Пра гэта паведамляе тэлеграм-канал Беларускага ПЭНа са спасылкай на сайт Мінскага гарадскога суда.
14.10.2022 / 16:20
Ліквідацыя арганізацыі прызначаная на 25 кастрычніка 2022 года.
Заснавальнік і старшыня Фонда «Вяртанне» — вядомы прадпрымальнік і мецэнат Павел Падкарытаў (Бераговіч), які праз яго зрабіў шмат важных спраў для падтрымкі беларускай культуры.
Фонд быў шматгадовым партнёрам Беларускага ПЭНа, падтрымліваў Прэміі Цёткі і Карласа Шэрмана, садзейнічаў развіццю беларускай культуры, навукі, адукацыі.