Cichanoŭskaja ŭ Jeŭraparłamiencie: Svabodnaja Biełaruś budzie samaj mocnaj sankcyjaj suprać pucinskaha teroru
13 kastryčnika Śviatłana Cichanoŭskaja vystupiła na pasiadžeńni Kamiteta Jeŭrapiejskaha parłamienta pa zamiežnych spravach. U svaim vystupie jana nazvała režym Łukašenki ašukanskim i śmiarotnym i prapanavała adkinuć jaho, kab «dapamahčy budavać demakratyčnuju i svabodnuju Biełaruś».
13.10.2022 / 16:45
Fota Ofisa Śviatłany Cichanoŭskaj
Sapraŭdnym pradstaŭnikom Biełarusi jana zaklikała pryznać Abjadnany pierachodny kabiniet. Pa jaje słovach, Biełaruś — nie Rasija, i treba prymusić Kreml vyvieści ŭsie rasijskija vojski ź Biełarusi i z Ukrainy.
Cichanoŭskaja zajaviła, što demakratyčnyja siły našaj krainy hatovyja supracoŭničać i rabić sumiesnyja prajekty ŭ ramkach «Uschodniaha partniorstva» dy inšych sumiesnych prahram.
«Svabodnaja Biełaruś budzie samaj mocnaj sankcyjaj suprać pucinskaha teroru. A najlepšaj aporaj dla svabodnaj Ukrainy budzie miaža ŭ tysiaču kiłamietraŭ sa svabodnaj Biełaruśsiu, jakaja nie źjaŭlajecca rasijskaj kałonijaj. Ja ŭpeŭnienaja, što šlach da miru ŭ Jeŭropie lažyć praz svabodu ŭ Biełarusi. Ja ŭpeŭnienaja, što šlach da miru ŭ Jeŭropie lažyć praź pieramohu va Ukrainie», — zajaviła palityk.
Jana nazvała Łukašenku vajennym złačyncam, jaki maje «vialiki pasłužny śpis žudasnych parušeńniaŭ pravoŭ čałavieka». Tamu, prymajučy sankcyi, źviazanyja z rasijskaj ahresijaj suprać Ukrainy, ES nie pavinien zabyvacca pra kiraŭnika Biełarusi, adznačyła Cichanoŭskaja.