Biełarus adšukaŭ unikalny fotazdymak ź Jankam Kupałam, Jakubam Kołasam i inšymi kłasikami
Jaŭhien Bandarčyk, jaki raniej vykupiŭ rukapis Karatkieviča «Ładdzia rospačy», natyknuŭsia ŭ Hruzinskim litaraturnym muziei ŭ Tbilisi na cikavaje fota biełaruskich piśmieńnikaŭ.
13.10.2022 / 16:18
Fotazdymak zrobleny ŭ kabiniecie savieckaha dziaržaŭnaha dziejača Mikałaja Hikały pryblizna ŭ 1935 hodzie.
Na zdymkum źleva naprava, unizie: Jakub Kołas, Janka Kupała. Paśla hruzinskija piśmieńniki — Samuił Buačydze, Illa Masašvili, Alaksandr Kutateli. Za stałom — staršynia CK KPB Mikałaj Hikała.
Uviersie źleva naprava jość Michaś Zarecki, Piatruś Broŭka, Kuźma Čorny, Kandrat Krapiva, Andrej Aleksandrovič, Izi Charyk, Ajzik Kučar, Michaś Klimkovič.
«Pakul my nie znajšli takoje fota ŭ biełaruskich muziejach i archivach. Padobna, što hruzinskija piśmieńniki, jakija jość na fota, źbierahli jaho. Taksama nie było viadoma detalaŭ pra sustreču piśmieńnikaŭ ź Mikałajem Hikałam.
Fota znachodzicca ŭ archivie muzieja ŭ Tbilisi, mnie jaho pieradali tolki ŭ elektronnym varyjancie», — kaža Jaŭhien Bandarčyk.