Baćku čatyroch niepaŭnaletnich dziaciej aryštavali ŭ Maskvie za toje, što jon słuchaŭ ukrainskuju muzyku ŭ mašynie
Maskvič Anton Usaŭ atrymaŭ 15 sutak aryštu i 50 tysiač rubloŭ štrafu paśla zatrymańnia za toje, što słuchaŭ ukrainskuju muzyku. Pry hetym Usaŭ — baćka-adzinočka.
13.10.2022 / 10:16
Jak paviedamlaje «OVD-Info», Usava pryznali vinavatym pa artykułach ab niepadparadkavańni palicyjantu i dyskredytacyi ŭzbrojenych sił RF. Mužčyna byŭ zatrymany supracoŭnikami DPS — nibyta jon słuchaŭ ukrainskuju muzyku ŭ svajoj mašynie.
Jak adznačaje «OVD-Info», Usaŭ upieršyniu pryciahvaŭsia da adkaznaści pavodle hetych administracyjnych artykułaŭ. Na jaho ŭtrymańni znachodziacca čacviora niepaŭnaletnich dziaciej. Žonka Usava nie źjaŭlajecca ich zakonnym apiekunom. Niahledziačy na heta, sud pryniaŭ rašeńnie pryznačyć aryšt na maksimalny termin.