U Jelsku siońnia sprabavali zachapić rajvykankam i addzieł milicyi
U Jelsku Homielskaj vobłaści praciahvajucca taktyka-śpiecyjalnyja vučeńni orhanaŭ unutranych spraŭ, unutranych vojskaŭ i śpiecyjalnych padraździaleńniaŭ MUS. Pavodle pres-słužby MUS, siońniašnija dziejańni dzialilisia na tearetyčnuju i praktyčnuju častku.
12.10.2022 / 20:03
Tearetyčna ŭdzielniki vučeńniaŭ i zaprošanyja hości aznajomilisia z vystavaj uzbrajeńnia, vajskovaj i śpiecyjalnaj techniki, śpiecyjalnych srodkaŭ, formiennaha adzieńnia i ekipiroŭki, a taksama pahladzieli vučebny film.
Praktyčnaja ž častka składałasia ź imitacyi napadu na horad i sproby zachopu krytyčna važnych abjektaŭ: budynkaŭ Jelskaha rajvykankama i RAUS.
Jak paviedamlajuć sami ŭdzielniki vučeńniaŭ, jany «prademanstravali zładžanyja dziejańni pry adbićci ŭzbrojenaha napadu praciŭnika, jaho abiasškodžvańni i zatrymańni, zabieśpiačeńni biaśpieki žycharoŭ». Choć žyćcio pakazvaje, što dośvied realnaj vajny z realnym praciŭnikam časta adrozny ad taho, što atrymlivajecca, kali adbivać svoj ža napad.