Kramam zabaranili samim razrazać tuški ptušak
Urad paviedamiŭ pra pryniaccie pastanovy, jakoj uvodzicca abmiežavańnie na prodaž častak tuški ptuški, za vyklučeńniem vyrablenych miasapierapracoŭčymi, sielskahaspadarčymi i ptuškahadoŭčymi arhanizacyjami.
12.10.2022 / 17:32
Pastanovaj zabaraniajecca prodaž u handlovych abjektach śviežych, astudžanych abo zamarožanych častak tuški ptuški, za vyklučeńniem vyrablenych miasapierapracoŭčymi, ptuškahadoŭčymi i sielskahaspadarčymi arhanizacyjami.
U adpaviednaści z hetym abmiežavańniem u handlovych abjektach zabaraniajecca prodaž častak tuški ptuški, razborka jakoj rabiłasia ŭ tym liku ŭ abjektach hramadskaha charčavańnia, uklučajučy narychtoŭčyja abjekty (cechi).
Razam z tym zabarona nie raspaŭsiudžvajecca na prodaž paŭfabrykataŭ u vyhladzie častak tuški, hatovych dla niepasrednaha ŭžyvańnia i (abo) padvierhnutych papiaredniaj apracoŭcy (papiarednie advaranych, pryhatavanych u alei, sousie (marynadzie, rasole) abo ź inšymi inhredyjentami, sušanych, salonych, vendžanych abo ŭ inšym padobnym vyhladzie).
Pastanova ŭstupaje ŭ siłu praz 10 dzion paśla aficyjnaha apublikavańnia.