Paraŭnali ceny na kurycu ŭ Biełarusi, Polščy i Litvie. Dzie tańniej?
Raździełanaja tuška kurycy, a dakładniej jaje košt i reakcyja Łukašenki, vyklikali ceły vir padziej: ad maratoryja na rost cen da novych kryminalnych spraŭ. «Naša Niva» pahladzieła, jak adroźnivajucca ceny na kurynaje miasa ŭ Biełarusi i susiednich krainach ES.
13.10.2022 / 10:48
U Biełarusi achałodžanaja tuška kuraniaci-brojlera pradajecca pa canie 5 rubloŭ 77 kapiejek za kiłahram.
Fota: skrynšot z sajta e-dostavka.by
U Polščy anałahičny pradukt kaštuje 12 złotych za kiłahram — heta kala 6 rubloŭ.
File hrudki ŭ nas kaštuje kala 11.50 rubla za kiło. U Polščy jaho pradajuć pa 26 złotych za kiłahram, ci pa 13 rubloŭ. U Litvie kurynaje file z hrudnoj častki kaštuje 5.50 jeŭra, ci kala 13.50 rubla. Pry hetym padčas akcyi hetaje samaje miasa možna nabyć pa 3 jeŭra za kiłahram, što ekvivalentna 7.50 rubla.
Ceny na kurynyja holeni vyhladajuć tak:
- Biełaruś — 7.35 rubla;
- Polša — 6 rubloŭ (12 złotych);
- Litva — 8.75 rubla (3.50 jeŭra).
A što z cenami na inšaje miasa?
Śvinaja łapatka biez kostki ŭ Biełarusi pradajecca pa 16 rubloŭ za kiłahram. U Polščy — mienš za 10 rubloŭ za kiło (19 złotych). U Litvie takoje miasa pradajuć pa 11.50 rubla (4.50 jeŭra).
Fota: skrynšot z sajta zakupy.auchan.pl
Za kiłahram miasa śvińni z šyjnaj častki ŭ Biełarusi daviadziecca zapłacić kala 23 rubloŭ.
Fota: skrynšot z sajta e-dostavka.by
Šyjnaja častka ŭ Polščy kaštuje 12.50 rubla (25 złotych). U Litvie — kala 16 rubloŭ (6,50 jeŭra).
Varta adznačyć, što zarobki ŭ Polščy i Litvie prykładna ŭdvaja vyšejšyja, čym u Biełarusi, a dachody ludziej — navat bolš, čym udvaja, bo dola pryvatnaha siektara ŭ ekanomicy vyšejšaja, a ź joju — i dachody nie z zarpłat. Jakaść miasnych praduktaŭ u Jeŭrasajuzie taksama vyšejšaja, bo sanitarny kantrol stražejšy.