Z 19 śniežnia ŭ Biełarusi zapracujuć imhniennyja płaciažy
Zhodna z pastanovaj Nacbanka, banki pavinny zabiaśpiečyć pracu sistemy dla jurydyčnych asob z 19 śniežnia. Što tyčycca fizičnych asob, to ich płanujuć padklučyć tolki 1 krasavika nastupnaha hoda.
11.10.2022 / 21:23
Nacbank budzie vystupać apierataram sistemy imhniennych płaciažoŭ raźlikovaha centra płaciežnaj sistemy pa płaciažach unutry krainy.
U Nacbanku adznačyli, što Sistema imhniennych płaciažoŭ budzie całkam aŭtamatyzavanaja. Płaciež budzie prachodzić praktyčna z toj ža chutkaściu, ź jakoj pieradajecca infarmacyja.
Paśla padłučeńnia rachunku da sistemy chutkich płaciažoŭ pieravody srodkaŭ buduć rabicca kruhłasutačna, adnak kłijenty nie zmohuć ich adklikać pry niapravilnym uvodzie rekvizitaŭ.