U Dziatłaŭskim rajonie viaskoviec pahražaŭ siamji ŭłasnaručna zroblenym arbaletam
Žycharka Dziatłaŭskaha rajona źviarnułasia ŭ milicyju i paskardziłasia na muža, jaki pahražaŭ joj i dzieciam zabojstvam. Pryładaj pahrozaŭ byŭ arbalet, jaki mužčyna zrabiŭ sam, paviedamiŭ Śledčy kamitet.
11.10.2022 / 21:14
Na miesca adpraviłasia śledča-apieratyŭnaja hrupa. U dvary doma sapraŭdy byŭ znojdzieny arbalet, jaho adpravili na daśledavańnie. Vyśvietliłasia, što zbroja źjaŭlajecca kłasičnym arbaletam vintovačnaha typu, vyrablenaja ŭ chatnich umovach i adnosicca da kidalnaj zbroi.
Haspadar arbaleta nie zmoh rastłumačyć matyvy svaich dziejańniaŭ i admaŭlaŭ, što pahražaŭ kaho-niebudź zabić. Adnak mužčyna pryznaŭ, što byŭ mocna pjany i ničoha nie pamiataje.
Sa słoŭ viaskoŭca, arbalet jon skanstrujavaŭ dla asabistych metaŭ.
Raniej mužčyna ŭžo byŭ sudzimy za kradziež i chulihanstva. Ciapier jaho abvinavačvajuć u pahrozie zabojstvam i niezakonnym vyrabie kidalnaj zbroi. Pakul śledčyja čakajuć sudovaj psichijatryčnaj ekśpiertyzy.