MVF pahoršyŭ prahnoz biełaruskaha VUP
Mižnarodny valutny fond apublikavaŭ kastryčnicki reliz ahladu pierśpiektyŭ raźvićcia suśvietnaj ekanomiki. Zakranajučy biełaruskuju ekanomiku, fond skarektavaŭ prahnoz jaje padzieńnia ŭ 2022 hodzie. Skaračeńnie vałavoha ŭnutranaha praduktu aceniena ŭ 7%.
11.10.2022 / 20:03
U krasaviku MVF rabiŭ prahnoz pa padzieńni VUP krainy ŭ 6,4%.
MVF źmianiŭ acenku i na 2023 hod, pahoršyŭšy jaje. U pryvatnaści, miarkujecca rost VUP na 0,2%. U krasaviku MVF prahnazavaŭ rost na 0,4%.
Taksama Mižnarodny valutny fond miarkuje, što hadavaja inflacyja ŭ Biełarusi składzie 16,5%, a ŭ nastupnym hodzie — 13,1%.
Što tyčycca deficytu bałansu biahučaha rachunku, to jon acenieny ŭ 1,5% i 1,1% VUP. Biespracoŭje składzie 4,5% i 4,3% u 2022 i 2023 hadach adpaviedna.