У Акадэміі навук завяршаюць распрацоўку таблетак ад Covid-19
Пра гэта заявіла Алена Калінічэнка, начальніца НВЦ «ХімФармСінтэз» і член-карэспандэнт Акадэміі навук.
11.10.2022 / 18:06
Фота ілюстрацыйнае
Лекі ад Covid-19 выпусцяць у выглядзе таблетак. Тэхналогія атрымання субстанцыі ўжо, па словах навукоўкі, гатовая.
«Далей распрацоўваецца нарматыўна-тэхнічная дакументацыя. І магчыма, нават у гэтым годзе прэпарат будзе пададзены на рэгістрацыю», — сказала Калінічэнка.
Пасля рэгістрацыі Міністэрства аховы здароўя прызначыць клінічныя выпрабаванні, а калі яны пройдуць паспяхова, то таблеткі могуць з'явіцца ў аптэках ужо ў 2023 годзе.