Žančynu, jakaja praviała antyvajennuju akcyju na liniejcy ŭ Navapołacku, aštrafavali treci raz
Siońnia ŭ Navapołacku adbyŭsia ŭžo treci sud nad Hannaj Tukavaj. Spravu pa dvuch pratakołach pa art. 24.23 KaAP razhledzieła suddzia Zinaida Bałabołava, piša «Viasna».
11.10.2022 / 17:56
1 vieraśnia padčas liniejki ŭ navapołackaj himnazii prachodziła vystupleńnie ludziej u vajskovaj formie. Hanna na siaredzinie vystupleńnia vyjšła z antyvajennaj akcyjaj — jana stała pierad imi i pakazała znak «viktary».
Žančynu adrazu zatrymali, a potym tydzień utrymlivali za kratami, niahledziačy na toje, što ŭ jaje jość 12-hadovaja dačka.
Viadoma, što raniej Tukavaj dvojčy pryznačali štrafy: 30 i 100 bazavych vieličyń. Ciapier joj stavicca ŭ vinu «pikietavańnie» ŭ instahramie vyjavami ukrainskaha ściaha.
Na sudzie žančyna adznačyła, što staronka jaje zakrytaja, tamu ŭčastkovy nie mieŭ dostupu da jaje publikacyj. Takoje ŭmiašalnictva ŭ jaje pryvatnaje žyćcio jana rasceńvaje jak «sprobu psichałahičnaha cisku».
U vyniku suddzia pryznačyła Hańnie jašče 100 bazavych vieličyń štrafu. Ahułam Tukava pavinna spłacić 7360 rubloŭ.