Zahadka pra Adama i Jevu, jakija hulajuć u «kamień-nažnicy-papieru»
Ci zmožacie vy jaje rašyć?
Praviercie, jak chutka vy zmožacie rašyć hetuju matematyčnuju zahadku, jakuju prydumaŭ brytanski ekanamist, žurnalist i składalnik hałavałomak Chjubiert Filips.
10.10.2022 / 22:43
Zadačka
Adam i Jeva hulajuć u «kamień-nažnicy-papieru» 10 razoŭ. Vy viedajecie, što:
- Adam trojčy vykarystoŭvaje kamień, šeść razoŭ — nažnicy i adzin raz — papieru.
- Jeva vykarystoŭvaje kamień dvojčy, nažnicy čatyry razy i papieru čatyry razy.
- Va ŭsich 10 hulniach ničyich niama.
- Paradak hulniaŭ nieviadomy.
Chto vyjhraje? Ź jakim likam?
Padkazka
Moža być niaprosta znajści rašeńnie, prosta zirnuŭšy na ŭvodnuju infarmacyju — vaźmicie arkuš papiery i ałovak. Zakanamiernaść stanie zrazumiełaj tolki tady, kali vy pačniacie biehać pa hulniach i padličvać pieramohi.
Rašeńnie nižej pad karcinkaj.
Fota: Pixabay
Rašeńnie
Davajcie jašče raz pahladzim na zhulanyja partyi.
Adam: 3 kamiani, 6 nažnic, 1 papiera
Jeva: 2 kamiani, 4 nažnic, 4 papiery
Kluč da razhadki ŭ tym, što Adam pakazvaŭ nažnicy šeść razoŭ. Pakolki ničyich nie było, heta aznačaje, što Jeva nie pakazvała nažnicy ni ŭ adnoj z hetych šaści hulniaŭ. A ciapier pahladzicie na varyjanty, jakija pakazvała Jeva. Pakolki jana pakazvała nažnicy čatyry razy, i ni adzin ź ich nie moh supadać z adnym z šaści razoŭ, kali Adam hulaŭ u nažnicy — to jana, napeŭna, pakazvała ŭsie svaje šeść inšych varyjantaŭ, akramia nažnic.
Takim čynam, šeść hulniaŭ, nieabaviazkova pa paradku, byli nastupnymi:
- Adam: nažnicy — Jeva: kamień [Pieramožca: Jeva]
- Adam: nažnicy — Jeva: kamień [Pieramožca: Jeva]
- Adam: nažnicy — Jeva: papiera [Pieramožca: Adam]
- Adam: nažnicy — Jeva: papiera [Pieramožca: Adam]
- Adam: nažnicy — Jeva: papiera [Pieramožca: Adam]
- Adam: nažnicy — Jeva: papiera [Pieramožca: Adam]
Dalej hladzim, što zastałosia. My bačym, što ŭ Jevy zastalisia tolki nažnicy. Takim čynam, inšyja čatyry hulni:
- Adam: kamień — Jeva: nažnicy [Pieramožca: Adam]
- Adam: kamień — Jeva: nažnicy [Pieramožca: Adam]
- Adam: kamień — Jeva: nažnicy [Pieramožca: Adam]
- Adam: papiera — Jeva: nažnicy [Pieramožca: Jeva]
Padličycie ŭsio, i Adam vyjhraje: 7 da 3.