Stali viadomyja imiony dvuch zahinułych padčas padryvu krymskaha mosta — heta siamiejnaja para z Sankt-Pieciarburha
Pavodle rasijskich ŚMI, u mašynie pa moście padčas vybuchu jechali 53-hadovy Eduard Čučakin i 33-hadovaja Zoja Safronava, siamiejnaja para ź Pieciarburha. Aficyjna hetaja infarmacyja pakul nie pacvierdžana.
09.10.2022 / 19:28
Zoja i Eduard. Fota: sacsietki
Eduard i Zoja razam užo kala 10 hadoŭ.
Jany abodva pracavali hidami ŭ Sankt-Pieciarburhu i zachaplalisia historyjaj. Paśla jany adkryli nievialiki siamiejny jutub-kanał HedgehogTB pra apošnija časy doma Ramanavych. Roliki jany zdymali i mantavali sami.
Zoja i Eduard u Prazie na pačatku 2020 hoda. Fota: sacsietki
Para jechała razam sa svaim maskoŭskim siabram zdymać praciah svaich filmaŭ pra siamju Ramanavych. Pa słovach siabroŭki Zoi, u ich siabra Siarhieja dom u Krymie: tam jany źbiralisia bližejšy miesiac adpačyvać i zajmacca filmam — u pryvatnaści, zapłanavali zdymki ŭ Livadyjskim pałacy.
Pa słovach siabroŭ, Zoja chacieła adkryć internet-halereju i prasoŭvać sučasnaje mastactva. Taksama jana zajmałasia historyjaj Finlandyi, i para časta tudy jeździła.
Miarkujučy pa staronkach u sacsietkach Eduarda i Zoi, Z-patryjotami jany nie byli. Prynamsi «NN» nie znajšła ŭ ich nivodnaha dopisu ci padpiski na hrupy ŭ padtrymku siońniašniaj rasijskaj palityki.