Ukraina pryznała Kurylskija astravy japonskimi
Prezident Ukrainy Uładzimir Zialenski 7 kastryčnika ŭ svaim viačernim vystupleńni abviaściŭ, što Ukraina pryznaje Kurylskija astravy častkaj Japonii. Jon padpisaŭ adpaviednaje rašeńnie, a Viarchoŭnaja Rada Ukrainy zrabiła zajavu na hety kont.
08.10.2022 / 09:55
Vostraŭ Šykatan
Zialenski zajaviŭ, što Ukraina pacviardžaje svaju pavahu da «suvierenitetu i terytaryjalnaj cełaści Japonii, u tym liku jaje Paŭnočnyja terytoryi, jakija praciahvajuć zastavacca pad akupacyjaj Rasijskaj Fiederacyi». Prezident Ukrainy zaklikaŭ suśvietnuju supolnaść vykazać anałahičnuju pazicyju.
Paśla zaviaršeńnia Druhoj suśvietnaj vajny SSSR akupavała Kurylskija astravy, adnak Japonija asprečvaje prynaležnaść astravoŭ Iturup, Kunašyr, Šykatan i hrupy astravoŭ Chabamai, ličačy ich svajoj terytoryjaj. Płošča sprečnych astravoŭ składaje 5 tysiač kvadratnych kiłamietraŭ, ahulnaja płošča sprečnaj terytoryi składaje prykładna 200 tysiač kvadratnych kiłamietraŭ. Paŭnavartasnaja mirnaja damova pamiž dźviuma krainami tak da hetaha času i nie padpisanaja.