Pieršaja NFT-halereja ŭ Biełarusi adkryłasia vystavaj «Pačvary, lehiendy i mify»
Mastackaja vystava «Pačvary, lehiendy i mify» adkryłasia 7 kastryčnika ŭ pieršaj NFT-halerei Biełarusi, piša ahienctva «Minsk-Naviny».
07.10.2022 / 18:42
Valeryj Słauk — mastak, zasłužany dziejač mastactva, čyje raboty ekspanavalisia nie tolki ŭ Biełarusi, ale i za miažoj. U ekspazicyi «Pačvary, lehiendy i mify» majstar chacieŭ raskazać pra aŭtentyčnyja vobrazy biełaruskaha falkłoru, adlustravanyja ŭ sučasnym žyvapisie.
Vystava pry padtrymcy skulptara Maksima Piatrula projdzie ŭ halerei Heart for art. Znachodzicca jana pa adrasie: praśpiekt Mašerava, 9, k. 8.
NFT — heta adzinka ŭliku, z dapamohaj jakoj stvarajecca ličbavy źlepak dla luboha unikalnaha pradmieta. Siarod ich mohuć być: karciny, fatahrafii, videa, muzyka — słovam, luby kantent, jaki pretenduje na choć niejkuju ŭnikalnaść. Jany źjaŭlajucca vialikaj kaštoŭnaściu siarod kalekcyjanieraŭ, hiejmieraŭ i amataraŭ mastactva, a kuplajuć i pradajuć ich praz aŭkcyjony.