Украіну зноў бамбілі з Беларусі. Упершыню са жніўня
Раніцай 6 кастрычніка расійская авіяцыя нанесла ракетны ўдар па Украіне з тэрыторыі Беларусі. Пра гэта «Украінскай праўдзе» паведаміў намеснік начальніка галоўнага аператыўнага ўпраўлення Генштаба УСУ Аляксей Громаў.
06.10.2022 / 15:45
«Сёння раніцай чатыры самалёты Ту-22 М3 стратэгічнай авіяцыі краіны-агрэсара з паветранай прасторы Беларусі нанеслі авіяцыйны ўдар па тэрыторыі Украіны. Папярэдняе прымяненне авіяцыі з гэтага напрамку было 28 жніўня», — сказаў ён.
Як удакладніў «Украінскай праўдзе» спікер Паветраных сіл Юрый Ігнат, гаворка ідзе пра удар па Хмяльніцкай вобласці ракетамі Х-22.
Адна ракета ўпала побач з інфраструктурным аб'ектам. Іншая — на пустцы. Загінулых і пацярпелых не было.