У Салігорску правалілася ў каналізацыйны калектар спецмашына водаканала
Спецыяльны аўтамабіль «Салігорскводаканала» праваліўся пад зямлю проста на дарозе. Здарэнне адбылося сёння, паведаміў мясцовы тэлеканал «СТК».
04.10.2022 / 17:00
Як растлумачыў каналу галоўны інжынер прадпрыемства «Салігорскводаканал» Васіль Лаўранкоў, на ўчастку, дзе ўтварыўся правал, абрынуўся каналізацыйны калектар дыяметрам 700 мм пасля вялікіх ліўневых дажджоў.
Да гэтага калектар замянілі на поліэтыленавы, з-за вялікіх дажджавых сцёкаў абваліўся звод трубы. Цяпер «Салігорскводаканал» будзе цалкам мяняць калектар. На гэта спатрэбяцца 3-4 тыдні.
У прамыіну трапіла камбінаваная глеясосная машына беларускай вытворчасці на базе шасі МАЗ. З яе дапамогай адпампоўваюць вадкія адходы з выграбных ямаў, калодзежаў каналізацыі і розных адстойнікаў.