Dźmitryj Siemčanka nie vyjšaŭ na volu paśla 15 sutak aryštu, u paniadziełak jaho čakaje novy sud
Pra heta paviedamiła žonka Dźmitryja ŭ instahramie.
30.09.2022 / 19:36
Dźmitryj Siemčanka
Byłoha televiadučaha i eks-kiraŭnika prezidenckaha puła na ANT Dźmitryja Siemčanku razam z žonkaj Jułijaj zatrymali 15 vieraśnia ŭ Minsku. Jułiju paźniej adpuścili, a Dźmitryja pakinuli za kratami da suda.
Praź dzień mužčynu aryštavali na 15 sutak pavodle art. 19.1 KaAP (drobnaje chulihanstva), a Julii pryznačyli štraf u pamiery 960 rubloŭ (30 bazavych vieličyniaŭ) za reposty z «ekstremisckich» kanałaŭ.