Palitźniavolenuju lekarku Taćcianu Tałočka asudzili da troch hadoŭ «chatniaj chimii»
Spravu lekarki razhledzieli siońnia, 30 vieraśnia, u sudzie Kastryčnickaha rajona Minska. Sudździa Volha Niaborskaja pryznała jaje vinavataj u aktyŭnym udziele ŭ dziejańniach, jakija hruba parušajuć hramadski paradak (art. 342 Kryminalnaha kodeksa), i pryznačyła Taćcianie try hady abmiežavańnia voli biez nakiravańnia ŭ PUAT. Dziaŭčynu vyzvalili ŭ zale suda, piša «Viasna».
30.09.2022 / 16:24
Taćciana Tałočka — aniestezijołah-reanimatołah, jana pracavała ŭ 2-j haradskoj dziciačaj kliničnaj balnicy ŭ Minsku. Jaje zatrymali 12 maja 2022 hoda prosta na pracoŭnym miescy.
U žniŭni 2020 hoda palitźniavolenaja vyratavała ad pieraśledu padletka Cimura Mickieviča, jaki paśla źbićcia siłavikami patrapiŭ u komu. Jana padpisała papiery, što dapytvać jaho nielha, ale hałoŭnaja lekarka nie padpisała hety dakumient. Ciapier 19-hadovy chłopiec vajuje va Ukrainie ŭ Pałku Kalinoŭskaha.