Za abrazu Łukašenki i čornaha biereta žycharu Połacka dali paŭtara hoda kałonii
U sudzie horada Połacka vyniesieny prysud Alehu Kryčkoŭskamu, abvinavačanamu ŭ abrazie Alaksandra Łukašenki (č. 1 art. 368 KK). Spravu razhladaŭ suddzia Uładzimir Biasiecki, bok abvinavačańnia pradstaŭlała staršaja pamočnica prakurora Volha Kołasava, piša «Viasna».
30.09.2022 / 16:20
Pa materyjałach abvinavačańnia, Kryčkoŭski pad vyjavaj Łukašenki ŭ sacyjalnaj sietcy ŭkantakcie pry ŭručeńni jamu najvyšejšaj adznaki AMAP MUS — čornaha biereta — pakinuŭ abraźlivy kamientaryj, jaki, na dumku ekśpiertyzy, vyražajecca nienarmatyŭnaj formaj maŭlenčaha vykazvańnia i niasie niehatyŭnuju acenku kiraŭnika dziaržavy.
Sud pastanaviŭ pryznać mužčynu vinavatym i pakarać jaho pazbaŭleńniem voli terminam na adzin hod i šeść miesiacaŭ va ŭmovach kałonii ahulnaha režymu.