Vienhryja znoŭ zabłakavała sankcyi suprać patryjarcha Kiryła
Vienhryja ŭžo druhi raz pieraškodziła ŭviadzieńniu sankcyj Jeŭrasajuza suprać rasijskaha patryjarcha Kiryła, paviedamiŭ redaktar «Radyjo Svaboda» ŭ pytańniach Jeŭropy Rykard Joźviak.
28.09.2022 / 19:52
«Niekatoryja krainy-členy JES sprabavali ŭvieści sankcyi suprać patryjarcha Kiryła, ale Vienhryja zabłakavała ich, jak i ŭ minuły raz», — napisaŭ Joźviak u svaim tvitary.
Svaju pazicyju Budapiešt pa-raniejšamu arhumientuje tym, što nivodzin relihijny lidar nie pavinien być uniesieny ŭ sankcyjny śpis. Toje, što Kirył staić na pazicyjach poŭnaj padtrymki raźviazanaj rasijskim kiraŭnictvam vajny va Ukrainie i nieadnarazova pra heta vykazvaŭsia ŭ svaich «pastyrskich» kazaniach, pad uvahu nie biarecca.