Zialenski prakamientavaŭ «refierendumy» na akupavanych terytoryjach
«Hety fars na akupavanaj terytoryi nielha nazvać navat imitacyjaj refierendumaŭ. Što namalujuć zamiest vyniku, my viedali zahadzia. Navat raźviedcy nie treba było asabliva staracca. Uzhodnienyja ličby dla hetaha farsu byli kinutyja ŭ ŚMI. Rasija navat nie chavajecca» — skazaŭ prezident Ukrainy ŭ svaim viačernim zvarocie.
28.09.2022 / 08:01
«Adziny racyjanalny adkaz na takuju dziorzkaść akupanta — heta jašče bolš padtrymki dla Ukrainy. I ja dziakuju našym partnioram, jakija pacviardžajuć takuju padtrymku: abaronnuju, finansavuju, sankcyjnuju», — zajaviŭ Zialenski.
Ź jahonych słoŭ, hetyja złačynnyja dziejańni Rasii ničoha nie źmieniać dla Ukrainy.
«A što tyčycca frontu, to skažu koratka i pakul biez detalaŭ, choć jany buduć i dobryja: ruchajemsia napierad i vyzvalajem našu ziamlu. Słava Ŭkrainie!»,— adznačyŭ jon.
Pavodle aficyjnych źviestak, u «DNR» za dałučeńnie da Rasii «prahałasavali» 99,23% vybarščykaŭ, u «ŁNR» — 98,42%, u Zaparožskaj vobłaści — 93,11%, u Chiersonskaj — 87,05%