Znajšli pieradśmiarotnuju zapisku «ižeŭskaha strałka» z matyvami masavaha zabojstva
Siońnia ŭ kvatery Arcioma Kazancava, jaki ŭčora napaŭ na škołu ŭ udmurckim Ižeŭsku, prajšli pieratrusy. Śledčyja śćviardžajuć, što na jahonym kampjutary jany znajšli detalovy płan napadu i matyvy złačynstva.
27.09.2022 / 18:53
Akazałasia, što mužčyna rychtavaŭ napad bolš za hod. U zapiscy padrabiazna apisany ałharytm kupli zbroi, vybaru miesca i mnohaje inšaje. U jakaści varyjantaŭ strałok razhladaŭ dziciačyja sadki, škoły i vajenkamaty.
A ŭ kancy lista mužčyna nibyta napisaŭ, što jon całkam apalityčny i nie relihijny, a adzinym matyvam dla jahonaha dziejańnia stała nianaviść da ludziej.
Nahadajem, što ŭčora na 88-ju škołu ŭ horadzie Ižeŭsk byŭ ździejśnieny napad. U vyniku stralby zahinuli 17 čałaviek, 11 ź ich — dzieci. Napadnikam akazaŭsia kolišni vypusknik hetaj samaj navučalnaj ustanovy.