U 2023 hodzie dziaržaŭny biudžet znoŭ budzie deficytnym
Biudžet Biełarusi na nastupny hod płanujecca deficytnym — jak i ŭ 2022-m. Heta tłumačycca tym, što «kanjunkturnyja dachody ad kałiju i nafty adnaŭlajucca nie ŭ poŭnaj miery». Krynicy finansavańnia deficytu biudžetu na 2023 hod užo vyznačanyja, zajaviŭ padčas pasiadžeńnia prezidyuma Saŭmina ministr finansaŭ Juryj Sielivierstaŭ.
27.09.2022 / 17:27
Juryj Sielivierstaŭ
«Peŭny pamier deficytu budzie, ale jon budzie zabiaśpiečany peŭnymi resursami», — zapeŭniŭ Juryj Sielivierstaŭ.
Ministr udakładniŭ, što papiarednie havorka idzie pra sumy ŭ pamiery kala 3-4 młrd rubloŭ.
«Tradycyjna sacyjalnaja sfiera nie budzie abdzielenaja. Jość zadańnie pa roście apłaty pracy. Pakul papiarednie možna skazać, što kala 3 młrd rubloŭ na fond apłaty pracy budzie dadadziena», — zajaviŭ Juryj Sielivierstaŭ.
U 2022 hodzie byŭ zapłanavany deficyt biudžetu ŭ pamiery 2,8 młrd rubloŭ. Pa vynikach dzieviaci miesiacaŭ jon składaje 2,3 młrd rubloŭ.