У хлопца, які страляў у ваенкама, на вайне загінуў сябар, а брату прыйшла позва
Руслан Зінін, які адкрыў стральбу ў ваенкамаце ў Усць-Ілімску, на допыце распавёў, што яго брату прыйшла позва, а раней на вайне загінуў яго сябар.
27.09.2022 / 14:39
Пра выпадак піша Baza.
Па словах Зініна, у сакавіку 2022 года на вайне загінуў яго найлепшы сябар, 19-гадовы Данііл. А ў верасні позву атрымаў яго стрыечны брат — 21-гадовы Васіль Гураў.
26 верасня Зінін стрэліў у начальніка Усць-Ілімскага ваенкамата Аляксандра Елісеева проста на яго працоўным месцы, цяпер ён знаходзіцца ў рэанімацыі ў цяжкім стане.
Пазней сведкі распавялі, што ў ваенкамаце не было металадэтэктара, а дакументы прызыўнікоў ніхто не правяраў:
«Глядзелі позву, у журнале чырканулі, і праходзь. Зброя ў яго была як з «Брата-2», вельмі падобная, тыпу абрэз самаробны».