Кожны пяты пенсіянер працуе
Пра гэта паведаміла намесніца міністра працы і сацыяльнай абароны Марына Арцёменка на прэс-канферэнцыі, прысвечанай Дню пажылых людзей, піша БелТА.
27.09.2022 / 13:55
«У эканоміцы краіны пасля дасягнення пенсійнага ўзросту працягваюць працаваць каля 20% ад агульнай колькасці пенсіянераў. У працоўным заканадаўстве ў нас устаноўленыя спецыяльныя гарантыі, якія абараняюць работнікаў перадпенсійнага ўзросту ад страты працы перад выхадам на пенсію. Калі тэрмін кантракта заканчваецца за два гады да пенсіі, працоўныя адносіны працягваюцца да дасягнення пенсійнага ўзросту», — расказала Марына Арцёменка.
У Беларусі завершанае павышэнне пенсійнага ўзросту. У выніку цяпер жанчыны выходзяць на пенсію па дасягненні 58 гадоў, а мужчыны — 63 гадоў.