Recept na vychadnyja. Hrybnyja kraścini — prostaja, ale niezvyčajnaja zakuska
Šukajecie recept zakuski na viečarynu? Pasprabujcie zrabić hetyja kraścini (crostini) — inakš kažučy, buterbrody pa-italjansku — sa śviežymi lasnymi hrybami. Abo zamianicie lasnyja hryby na zvyčajnyja šampińjony ci viešanki — atrymajecca nie mienš cikava.
02.10.2022 / 10:12
Fota: BBC Food
Kab zhatavać hrybnyja kraścini, vam spatrebicca:
- 8 stałovych łyžak aliŭkavaha aleju
- 2 zubki časnaku: adzin ź ich treba ačyścić, druhi — drobna pasiekčy
- drobka mołataha piercu čyli ci mołataha čyrvonaha piercu
- 400 hramaŭ hryboŭ
- 1 stałovaja łyžka pasiečanaj śviežaj ci sušanaj piatruški
- 1 stałovaja łyžka pasiečanaha śviežaha ci sušanaha majaranu
- sol i mołaty čorny pierac
- 8 łustaŭ čornaha ci šeraha chleba
- Razahrejcie ŭ patelni 6 stałovych łyžak aliŭkavaha aleju. Smažcie pasiečany časnok, pakul jon nie nabudzie załaty koler, dadajcie pierac i hryby i smažcie jašče dźvie-try chviliny ci da hatoŭnaści.
- Dadajcie da hryboŭ piatrušku i majaran, prypraŭcie sollu i čornym piercam.
- Padsmažcie łusty chleba z abodvuch bakoŭ. Troški natrycie kožnuju łustu z abodvuch bakoŭ zubkom časnaku i zmažcie aliŭkavym alejem, što ŭ vas zastaŭsia. Kali treba, parežcie łusty chleba na asobnyja porcyi. Vykładzicie na chleb hryby i padavajcie.