Hiermanija damoviłasia pra pastaŭki hazu z AAE
Hiermanija padpisała pahadnieńnie ab pastaŭkach zvadkavanaha pryrodnaha hazu z Abjadnanych Arabskich Emirataŭ, što dapamoža zamianić stračanyja pastaŭki rasijskaha hazu. Pra heta piša «Jeŭrapiejskaja praŭda» sa spasyłkaj na Spiegel.
25.09.2022 / 18:59
Šejch Muchamied bien Ziejd Al-Nachajan, prezident AAE, i kancler Hiermanii Ołaf Šolc u Abu-Dabi, Abjadnanyja Arabskija Emiraty, 25 vieraśnia. Fota: AR
Pahadnieńnie padpisała niamieckaja kampanija RWE padčas vizitu kanclera Ołafa Šolca ŭ krainu, pieršy zakantraktavany abjom składaje 137 tysiač kubamietraŭ. Haz pryviazuć tankieram u śniežni ŭ novy terminał u horadzie Brunśbiutel na poŭnačy FRH.
Novyja damoŭlenaści pa enierharesursach — klučavaja meta pajezdki Šolca na Blizki Uschod. Dalej kancler adpravicca ŭ Saudaŭskuju Araviju i Katar. U apošniaha — trecija najbujniejšyja hazavyja reziervy ŭ śviecie, adnak padpisańnie pahadnieńniaŭ pakul nie čakajecca.