U Dahiestanie ludzi pierakryli fiederalnuju trasu, pratestujučy suprać mabilizacyi
Žychary vioski Endzirej u Chasavjurtaŭskim rajonie Dahiestana pierakryli fiederalnuju trasu, pratestujučy suprać pamyłkovaj mabilizacyi. Palicyja pasprabavała ich razahnać, stralajučy ŭ pavietra.
25.09.2022 / 14:46
Na videa bačna, što na vulicy vyjšli dziasiatki miascovych žycharoŭ. Palicyja sprabuje razahnać pratestoŭcaŭ, stralajučy ŭ pavietra.
Pa słovach miascovych žycharoŭ, pryčynaj stała toje, što vajenkamaty ŭručyli pozvy maładym ludziam, jakija niadaŭna viarnulisia z armii. Pa inšych krynicach, z hetaha siała pryzvali 110 čałaviek. I ludzi vyjšli, kab abaranić svaich synoŭ, bratoŭ i mužoŭ.
Dahiestan, jak i inšyja nacyjanalnyja aŭtanomii Rasii, niasie najbolšyja straty ŭ vajnie. Niekatoryja krytyki Pucina śćviardžajuć, što Maskva naŭmysna masava pasyłaje na front čaści, sfarmavanyja ŭ aŭtanomijach, kab asłabić małyja narody Rasii.