Pucin padpisaŭ papraŭki ŭ Kryminalny kodeks, jakija ŭvodziać strohuju adkaznaść za ŭchileńnie ad udziełu ŭ vajnie
Prezident Rasii Uładzimir Pucin padpisaŭ papraŭki ŭ Kryminalny kodeks Rasiei, ekstranna pryniatyja parłamientam pierad abviaščeńniem mabilizacyi, jakija ŭnosiać u kodeks sami paniaćci «mabilizacyja», «vajennaje stanovišča» i «vajenny čas».
24.09.2022 / 16:20
Pavodle papravak:
- Pryzvanyja na vajskovyja zbory z zapasu buduć nieści kryminalnuju adkaznaść za niajaŭku ŭ čaść abo samavolnaje pakidańnie miesca słužby naroŭni z kantraktnikami.
- Uvodzicca kryminalnaje pakarańnie za dobraachvotnuju zdaču ŭ pałon (ad troch da 10 hadoŭ kałonii), a taksama za maradziorstva (da 15 hadoŭ).
- Uvodzicca kryminalnaje pakarańnie za paŭtornaje parušeńnie ŭmoŭ kantrakta pa dziaržabaronzamovie (za paŭtornaje parušeńnie — ad čatyroch da vaśmi hadoŭ).
- Budzie ličycca abciažarvalnaj akaličnaściu, kali «złačynstvy suprać vajennaj słužby» ździejśnienyja nie tolki va ŭmovach zbrojnaha kanfliktu abo vajennych dziejańniaŭ, ale i «ŭ pieryjad mabilizacyi abo vajennaha stanovišča, u vajenny čas».