Пуцін падпісаў папраўкі ў Крымінальны кодэкс, якія ўводзяць строгую адказнасць за ўхіленне ад удзелу ў вайне
Прэзідэнт Расіі Уладзімір Пуцін падпісаў папраўкі ў Крымінальны кодэкс Расеі, экстранна прынятыя парламентам перад абвяшчэннем мабілізацыі, якія ўносяць у кодэкс самі паняцці «мабілізацыя», «ваеннае становішча» і «ваенны час».
24.09.2022 / 16:20
Паводле паправак:
- Прызваныя на вайсковыя зборы з запасу будуць несці крымінальную адказнасць за няяўку ў часць або самавольнае пакіданне месца службы нароўні з кантрактнікамі.
- Уводзіцца крымінальнае пакаранне за добраахвотную здачу ў палон (ад трох да 10 гадоў калоніі), а таксама за марадзёрства (да 15 гадоў).
- Уводзіцца крымінальнае пакаранне за паўторнае парушэнне ўмоў кантракта па дзяржабаронзамове (за паўторнае парушэнне — ад чатырох да васьмі гадоў).
- Будзе лічыцца абцяжарвальнай акалічнасцю, калі «злачынствы супраць ваеннай службы» здзейсненыя не толькі ва ўмовах збройнага канфлікту або ваенных дзеянняў, але і «ў перыяд мабілізацыі або ваеннага становішча, у ваенны час».