Daterminova vyzvalili palitźniavolenuju Taćcianu Łasicu. Ale tolki na paru miesiacaŭ raniej
U listapadzie 2021 hoda joj prysudzili 2 hady i 6 miesiacaŭ kałonii. Z ulikam taho, što dzień u SIZA zaličvajecca za paŭtara, jana vyjšła z viaźnicy prykładna na čatyry miesiacy raniej za svoj termin. 21 vieraśnia łukašenkaŭcy anałahična, minimalna daterminova, vyzvalili žurnalista-palitviaźnia Aleha Hruździłoviča.
24.09.2022 / 08:15
Pravaabaronca z pravaabarončaha centra «Viasna» była zatrymanaja 21 studzienia 2021 hoda. Jaje abvinavacili pa kryminalnaj spravie pa č. 1 i č. 2 art. 342 KK (Arhanizacyja ci aktyŭny ŭdzieł u hrupavych dziejańniach, jakija hruba parušajuć hramadski paradak).
Łasicu, jak i jaje kalehu Leanida Sudalenku, abvinavacili ŭ finansavaj dapamozie ludziam, jakija paciarpieli ad palityčnych represij. Aboje mužna vytrymali źniavoleńnie i nie złamalisia.
3 listapada 2021 suddzia Sałoŭski asudziŭ Taćcianu Łasicu da dvuch z pałovaj hadoŭ pazbaŭleńnia voli ŭ kałonii ahulnaha režymu.
Jak paviedamlaje «Homielskaja viasna», Łasicu vypuścili z homielskaj žanočaj kałonii.