Byłomu ministru justycyi Kitaja vynieśli śmiarotny prysud umoŭna
Byłoha ministra justycyi Kitaja Fu Čženchua ŭ čacvier prysudzili da śmiarotnaha pakarańnia z adterminoŭkaj na dva hady i pierśpiektyvaj zamieny pakarańnia pažyćciovym źniavoleńniem. Fu asudzili za chabar, ale abvinavačvali i ŭ prynaležnaści da hrupy zmoŭcaŭ.
22.09.2022 / 21:32
Niezaležnyja kamientatary ličać Fu adnoj z achviar čystki, zładžanaj kiraŭnikom kitajskaj dziaržavy Si Czińpinam pierad źjezdam Kamunistyčnaj partyi Kitaja.
Pavodle aficyjnaha abvinavačvańnia, ciapier 67-hadovy Fu braŭ chabar ciaham apošnich 17 hadoŭ, zajmajučy vysokija pasady ŭ pravaachoŭnych orhanach Piekina i ŭsioj krainy.
Dniom raniej da vialikich turemnych terminaŭ byli prysudžanyja try vysokapastaŭlenyja palicejskija čyny — byłyja načalniki palicyi miehapolisaŭ Šanchaj i Čuncyn, a taksama pravincyi Šańsi. Usich traich, jak i Fu Čženchua, farmalna pasadzili za chabar, nie abvinavačvajučy ŭ niełajalnaści da staršyni KNR Si Czińpina.