Ukrainskija vojski prarvali abaronu na paŭnočny zachad ad Limana
Ukraincy nastupajuć kala nasielenych punktaŭ Karpaŭka i Redkadub. Pra heta piša rasijskaja frantavaja błohierka Dołharava.
22.09.2022 / 16:49
Pa infarmacyi błohieraŭ WarGonzo i Ihara Hirkina, rasijanie taksama viaduć ciažkija abarončyja bai kala Drobyšava i na paŭdniovych uskrajkach Limana.
Praryŭ stvaraje pahrozu akružeńnia Limana. A ŭkrainski płacdarm na levym bierazie Sievierskaha Danca ŭ rajonie Śviatahorska i Iziuma razrossia, takim čynam, da prykładna paŭtysiačy kvadratnych kiłamietraŭ.
U vyniku imklivaha nastupu 5—10 vieraśnia ŭkrainskaja armija vyzvaliła Bałakleju, Kupiansk, Izium i Vaŭčansk, a rasijskija złučeńni chaatyčna adstupili na levy bierah rek Daniec i Askoł. U vyniku rasijanam nie ŭdałosia stvaryć nadziejnaj linii abarony pa hetych rekach, jak jany spadziavalisia, ale i ŭkrainskaja armija nie zaniała z nalotu Liman i Svatava. Bai roznaj intensiŭnaści na podstupach da hetych haradkoŭ praciahvajucca ŭžo amal dva tydni.
Miarkujučy pa paviedamleńniach z dvuch bakoŭ, ukrainskija vojski prasunulisia na levym bierazie Danca i Askoła na 5—20 kiłamietraŭ u piaci-šaści kirunkach adnačasova.