Rasija kantraluje Łuhanskuju vobłaść užo nie całkam
Ukrainskija vajskoŭcy advajavali pasiołak Biełahoraŭka ŭ Łuhanskaj vobłaści. Pra vyzvaleńnie nasielenaha punkta pobač ź Lisičanskam paviedamiŭ kiraŭnik Łuhanskaj abłasnoj dziaržaŭnaj administracyi Siarhiej Hajdaj. Hetaje simvaličnaje dasiahnieńnie aznačaje, što Rasija bolš nie kantraluje ŭvieś rehijon całkam.
19.09.2022 / 22:16
Rasijskija vojski kantralavali ŭsiu Łuhanskuju vobłaść ciaham apošnich dvuch z pałovaj miesiacaŭ. Paśla doŭhich bajoŭ Hienieralny štab Ukrainy ŭ lipieni pryniaŭ rašeńnie adstupić z haradoŭ Sievieradanieck i Lisičansk.
Siarhiej Hajdaj adznačyŭ, što ŭ Biełahoraŭku zachodzili rasijskija akupanty, ale ciapier jana začyščanaja i całkam znachodzicca pad kantrolem USU. Taksama jon papiaredziŭ, što deakupacyja zachoplenych terytoryj u Łuhanskaj vobłaści budzie prachodzić składaniej, čym heta było ŭ Charkaŭskaj vobłaści. Za kožny santymietr łuhanskaj ziamli, pavodle jaho, budzie vieścisia ciažkoje zmahańnie.