Miascovym uładam pašyryli paŭnamoctvy pa rasparadžeńni majomaściu
Łukašenka padpisaŭ 19 vieraśnia ŭkaz № 330, jaki pašyraje paŭnamoctvy miascovych uładaŭ pa rasparadžeńni majomaściu. Pra heta paviedamlaje jahonaja pres-słužba.
19.09.2022 / 21:08
Fota: BiełTA
Dakumientam praduhledžana, jakija paŭnamoctvy pa rasparadžeńni majomaściu pierachodziać ad Saŭmina inšym dziaržaŭnym orhanam i arhanizacyjam, a ad abłvykankamaŭ i Minharvykankama — miascovym vykankamam. Pašyraje ŭkaz i paŭnamoctvy miascovych Savietaŭ deputataŭ, jakim stanie praściej znajści prymianieńnie dla majomaści, jakaja nie vykarystoŭvajecca.
U lipieni minułaha hoda Alaksandr Łukašenka pieradaŭ niekatoryja svaje funkcyi ŭ sfiery pryvatyzacyi dziaržaŭnaj ułasnaści ŭradu i miascovym orhanam ułady. Dla hetaha byli ŭniesienyja papraŭki ŭ dekret № 3 «Ab pryvatyzacyi dziaržaŭnaj ułasnaści», pryniaty jašče ŭ 1998 hodzie. U tym liku ŭradu byli pieradadzienyja funkcyi Łukašenki pa ŭzhadnieńni emisii dadatkovych vypuskaŭ akcyj, stvoranych u pracesie pryvatyzacyi AAT, što pierapracoŭvajuć sielskahaspadarčuju pradukcyju, kaštoŭnyja papiery jakich znachodziacca ŭ dziaržułasnaści.