УСУ: Мы фарсіравалі раку Аскол і ўзялі пад кантроль абодва яе берагі
Пра гэта паведаміла Упраўленне стратэгічных камунікацый Узброеных сілаў Украіны ў сваім тэлеграм-канале, апублікаваўшы адпаведнае відэа.
18.09.2022 / 18:47
«УСУ фарсіравалі Аскол. З учарашняга дня Украіна кантралюе і левы бераг», — гаворыцца ў паведамленні.
Пасля адступлення з Ізюма і Балаклеі ў выніку баёў 5—10 верасня расійская армія спрабавала замацавацца на рубяжах рэк Северскі Данец і Аскол. Аднак 11 верасня ўкраінскія войскі фарсіравалі Данец і падышлі да Лімана, 12 верасня занялі Святагорск на левым беразе Данца, а 16 верасня ўкраінскія камандзіры паведамілі пра вызваленне левабярэжняй часткі Купянска. Сённяшняе паведамленне УСУ азначае, што следам за перадавымі часткамі арміі на левым беразе замацавалася асноўная групоўка.