Zialenski dapuściŭ viartańnie Kryma dypłamatyčnym šlacham
18.09.2022 / 08:23
Prezident Ukrainy Uładzimir Zialenski ŭ intervju Reuters zajaviŭ, što nie vyklučaje, što Ukraina budzie viartać Krym dypłamatyčnym šlacham.
«Niama inšaha šanca, prosta niama vyjścia, treba deakupavać terytoryju.
Tak moža zdarycca, što Krym budzie viartacca dypłamatyčnym šlacham.
Biezumoŭna, ludzi va Ukrainie bolš padtrymlivajuć dypłamatyčny šlach vyrašeńnia hetaha pytańnia. Što za koła asob budzie abmiarkoŭvać hetaje pytańnie i kali heta budzie, ja nie mahu ciapier skazać. Ale, tym nie mienš, heta majo mierkavańnie», — zajaviŭ jon.
Raniej hałoŭnakamandujučy ŭkrainskaj armii Valeryj Załužny vypuściŭ artykuł, u jakim raskazaŭ pra toje, što navat vyzvaleńnie Kryma nie harantuje biaśpieku Ukrainy, a klučavym dla spynieńnia vajny budzie atrymańnie zbroi dalokaha radyusu dziejańnia. Heta moža ŭskosna śviedčyć pra toje, što ŭkraincy hatovyja vyrašać pytańnie prynaležnaści Kryma dypłamatyčnym šlacham, u adroźnieńnie ad inšych terytoryj.